لاہور۔3اگست (اے پی پی) وفاقی وزیر منصوبہ بندی و ترقی پروفیسر احسن اقبال آکھیے ملکی برآمدات ودھا تے پاکستان دی قرضیں توں جند چھڑائی ونڄ سڳدی اے ،اپوزیشن دھرنیں دی بجائے ملکی مسئلیں دے حل سانڳے تجویزاں ݙیوے ،ملکی ترقی اتے خوشحالی سانڳے اساں ساریں کوں رل تے اختلافات کوں ختم ک??ݨا ہوسی ، کجھ عناصر ملک کوں ترقی کریندا نی ݙیکھݨ چاہندے اے ڳالھ انہاں ایکسپو سنٹراچ پاکستان ریڈی میڈ گارمنٹس مینوفیکچررز اینڈ ایکسپورٹرز ایسوسی ایشن دے اہتمام نال 28ویں ٹیکسٹائل ایشیا انٹرنیشنل ٹریڈ فیئر توں بطور مہمان خصوصی خطاب و میڈیا نال ڳالھ مہاڑ کریندے آکھی اے ۔احسن اقبال آکھیے پاکستان ایں ویلھے شدید معاشی اوکھ دا سامݨا کریندا پئے تے آئی ایم ایف دا پروگرام انھاں مسئلیں دا مستقل حل کائنی ۔ آئی ایم ایف پروگرام کوں ترائے سال دی کوڑی گولی قرار ݙتے جیں توں ہر صورت نکلݨا اے، برآمدات ودھاوݨ حکومت دی اولین ترجیح اے کیوں جو معیشت دی ترقی سانڳے برآمدات ضروری ہن، برآمدات ودھاوݨ نال نہ صرف پاکستان روپیہ تکڑا تھیسی ملک وی خوشحال تھیسی ۔ انہاں آکھیے ایکسپو کہیں وی ملک دی برآمدات اچ اہم کردار نبھیندن ، میڈ ان پاکستان مصنوعات کوں دنیا اچ پڄاوݨ ساݙی اولین ترجیح اے، ملک دی ترقی اتے خوشحالی سانڳے اساکوں اختلافات ختم کرݨے ہوسن ، سیاسی عدم استحکام اتے پالیسیاں اچ عدم تسلسل اساکوں ٻہوں ضیان پڄائے۔ جے پاکستان دی معیشت ٻڈسی تاں پوری قوم ٻڈ ویسی ،ملکی ترقی سانڳے اتفاق و اتحاد دی لوڑھ تے زور ݙیندے احسن اقبال آکھیے کجھ عناصر ملک کوں ترقی کریندا نی ݙیکھݨ چاہندے لیکن اساکوں ملک دی ترقی تے خوشحالی سانڳے اختلافات بھلاوݨے ہوسن برآمد کنندگان نال رل تے روڈ میپ تیار کرڳھدا ڳئے میڈ ان پاکستان مصنوعات کوں پوری دنیا اچ پڄاوݨ ساݙی ترجیح اے، انہاں دا ہدف برآمدات کوں 100 ارب ڈالر توں ودھ ک??ݨا اے تے 2047تئی?? پاکستان کوں بھارت توں بہتر ثابت ک??ݨا اے۔ زر مبادلہ دے ذخیرے ودھسن تاں روپیہ مستحکم تھیسی ۔ بجلی بحران تے ھک سوال تے وفاقی وزیر میڈیا نال ڳالھ مہاڑ اچ آکھیے ساریں توں پہلی ڳالھ اے ہے جو ایں ویلھے بجلی دا مسئلہ اے جیڑھا اینکوں سمجھݨ ضروری اے اے اساکوں کیوں پیش آئے عوام کوں 20،20 گھنٹے لوڈ شیڈنگ دا سامݨا ہئی جݙاں ساݙی حکومت آئی تاں ساݙے سامݨے اے سوال ہئی جو اساں ایں لوڈ شیڈنگ کوں کیویں ختم کروں ایں سانڳے چین اوکھے ویلھے ساݙی مدد کیتی جݙا?? پاکستان اچ پیسہ لاوݨ سانڳے کوئی تیار وی کائناں ہئی تے اٹھ ہزار میگا واٹ بجلی دے منصوبے چین دی سانجھ نال لڳئن ،ترائے ہزار میگا واٹ اساں وسائل توں لاتےایں ویلھے بجلی دے منصوبیں دی پلاننگ ہئی او ایں بنیاد تے رکھی ڳئی ہئی جو اساں آندے ݙاہ سال اچ شعبہ اچ چھ فیصد دی اوسط نال اڳوں ودھسوں ااساں بجلی دی پلاننگ کیتی تے نویں منصوبے لاتے لیکن2018 اچ جݙاں حکومت بدلی تاں ھکے ویلھے معیشت کریش کر ڳئی تے اساں چھی فیصد توں ھک فیصد تے آڳئے، وزیر اعظم روزانہ اجلاس کریندے پئن تے اساں کیویں لوکاں خاص کر غریب تے تلویں طبقے کوں ریلیف کیویں ݙے سڳدوں ۔ ھک سوال تے احسن اقبال آکھیے اے ویلھا دھرنے دا کائنی جے انہاں کنے ماہرین ہن تاں ایں صورت حال دا کوئی علاج اے تاں آؤ ر?? ٻہہ تے مسئلے دا حل ڳولوں ایں ویلھے اساں دھرنے ݙیسوں، سیاسی مظاہرے کریسوں تاں ایں توں انویسٹر پاکستان جیڑھا آوݨ چاہندےاو بھڄ ویسی
.jpg)
