میں اڄ تئیں نی سݨیا جو سپریم کورٹ دے فیصلے کوں ہک سرکلر نال ختم کر ݙتا ونڄے، وفاقی وزیر داخلہ رانا ثنا اللہ

2025-03-06 17:39:39

اسلام آباد۔31مارچ (اے پی پی) وفاقی وزیر داخلہ رانا ثنا اللہ خان آکھیا جو میں اڄ تئیں نی سݨیا جو سپریم کورٹ دے فیصلے کوں ہک سرکلر نال ختم کر ݙتا ونڄے۔ سپریم کورٹ دے ایں بنچ دا فیصلہ اوں ویلھے تئیں چلسی جݙاں تئیں چیلنج نی تھیندا، اگر فل بینچ ایں معاملے تے فیصلہ کائنا کریسی تاں انصاف تھیندا نی نظردار۔ او جمعے کوں سپریم کورٹ دے ٻاہر صحافیاں نال ڳالھ مہاڑ کریندےپے ہن۔ وفاقی وزیر داخلہ آکھیا جو ݙو صوبیاں اچ انتخابات دے کیس اچ جسٹس مندوخیل سماعت توں معذرت کیتی اے اتے اختلافی نوٹ اچ لکھیے جو رائے ڳھدے بغیر فیصلہ لکھ ݙتا ڳے۔ اے صورتحال افسوس ناک اتے قومی سانحے توں ڳھٹ کائنی۔ جسٹس قاضی فائز عیسیٰ دے بینچ دا فیصلہ چیلنج نی تھیندا، او فیلڈ بولڈ کریسی۔ اے بنچ نو توں شروع تھی تے ترائے تے آڳے۔ ہک معزز جج پہلے بنچ توں اںج تھین اتے ولا بنچ دا حصہ ہن۔ انہاں آکھیا جو ہک فتنے ملک کوں ایں نہج تے آن کھڑائے، ایں فتنے دا پاکستان دی سیاست توں مائنس تھیوݨ ٻہوں ضروری اے۔ چیف جسٹس ایں ڳالھ دا جائزہ ڳھنن جو ملک اچ فتنہ کینویں متعارف تھیا۔

مضمون کا ماخذ : قزاقوں کی کافی مقدار

متعلقہ مضامین