اسلام آباد۔15ستمبر(اے پی پی)نگراں وفاقی وزیر توانائی محمد علی آکھیے جو بجلی چوری دے خلاف کریک ڈائون دے چنڳے نتیجے نکلین، واجبات وصولی بہتر تھئی اے، روپے دی قدر ودھݨ دے نتائج تیکھے نظرسن، بجلی و گیس دے شعباں دا مجموعی گردشی قرضہ 5400 ارب روپے تئیں پڄ ڳئے، ڈسٹری بیوشن کمپنیاں دے نقصانات 589 ارب روپے تھی چکین، بجلی چوری اچ ملوث اہلکاراں دے خلاف کارروائی کیتی اے، انڈسٹری چلݨ نال روزگار ملسی اتے برآمدات ودھسن، سیالے کیتے بہتر لوڈ مینجمنٹ کیتی ویسی، ڈسٹری بیوشن کمپنیاں دے بورڈز، کڄھ کمپنیاں دے چیف ایگزیکٹو افسران تبدیل کیتے ویسن، کمپنیاں دی گورننس بہتر کیتی ویسی۔ اے ڳالھ انہاں اسلام آباد اچ نگراں وزیر خزانہ ڈاکٹر شمشاد اختر اتے نگراں وزیر اطلاعات و نشریات مرتضیٰ سولنگی نال پریس کانفرنس اچ آکھی۔ پریس کانفرنس اچ پرنسپل انفارمیشن آفیسر و منیجنگ ڈائریکٹر اے پی پی محمد عاصم کھچی وی موجود ہن۔ وفاقی وزیر توانائی آکھیا جو بجلی چوری دے خلاف کریک ڈائون تھیندا پئے، بجلی چوری کئی سالاں توں تھیندی پئی ہئی ٻھل پکڑیندا کوئی نا ہا، ہݨ بجلی چوری دے خلاف تکڑی مہم تھیندی پئی اے جیندے کیتے پاور ڈویژن اچ خصوصی کنٹرول روم ٻݨائے، صوبیاں دے ڳانݙھے نال وی بجلی چوراں دے خلاف کارروائی جاری اے جو بجلی چوری اتے واجبات وصولی مہم تیز کیتی ویسی، کوشش اے جو صارفین تے ڳھٹ ٻھار سٹوں۔
.jpg)