اسلام آباد۔5فروری(اے پی پی) وزیراعظم دے مشیر امور کشمیر و گلگت بلتستان قمر زمان کائرہ اتوار دے ݙینھ آکھیے جو پاکستانی قوم اڄ پوری دنیا اچ یوم یکجہتی کشمیر منیندی پئی اے تاں جو کشمیریاں دے حق خود ارادیت دی حمایت دا پیغام ݙتا ونڄ سڳے ، عالمی برادری کوں کشمیر دے نشوم لوکان تے بھارت دے ظلم تے چپ کوں تروڑںاں چاہیدے ۔سابق بھارتی وزیر اعظم نہرو کشمیریاں نال وعدہ کیتا ہئی جو او اقوام متحدہ دی قرارداداں دے ذریعے جھیڑے کوں مکیسن ۔ وزارت خارجہ ، امور کشمیر اتے گلگت بلتستان دے زیر اہتمام مشترکہ طور تے منعقدہ یکجہتی واک توں خطاب کریندے ہوئیں قمر زمان کائرہ آکھیے کشمیر پاکستان دی شہ رڳ اے ، پوری قوم نسل در نسل کشمیر کاز دی توثیق اتے تائید کریندی پئی اے ۔انہاں آکھیے ملک ہمیشہ حق خودارادیت گھنݨ کیتے کشمیری مقامی تحریک دی حمایت کیتی تے عالمی برادری تے وی زورپاتے جو او کشمیری عوام دی خواہشات دے مطابق کشمیر دے پراݨے مسئلے کوں حل کرݨ کیتے کلیدی کردار ادا کرے۔انہاں آکھیے یوم یکجہتی کشمیر مناوݨ دا واحد مقصد عالمی برادری دے ضمیر کوں جڳاوݨاں اے ۔کشمیریاں دی حمایت دے حکومتی عزم دا اعادہ کریندے ہوئیں قمر زمان کائرہ آکھیے پاکستان اچ سارے شعبیں اچ بشمول حکام، طلباء، صحافی اتے ٻئے کشمیریاں دے حق خودارادیت دے مطالبے دی حمایت کریندے پئن ۔واک اچ کشمیریاں نال اظہار ہمدردی کیتے ھک منٹ کیتے چپ اختیار کیتی ڳئی ۔
.jpg)