اسلام آباد۔6دسمبر (اے پی پی) سپیکر قومی اسمبلی سردار ایاز صادق میجر شبیر شریف شہید نشان حیدر کوں یوم شہادت تے خراج عقیدت پیش کریندیں ہوئیں آکھیا جو انہاں 1971 دی جنگ اچ دشمن دے خلاف لڑدیں ہوئیں شہید تھیے اتے انہاں دی بہادری اتے شجاعت تے نشان حیدر ݙتا ڳئیا۔ میجر شبیر شریف شہید(نشان حیدر) دے 53ویں یوم شہادت تے آپݨے سنیھے اچ انہاں آکھیا جو پوری قوم میجر شبیر شریف شہید نشان حیدر دے 53 ویں یوم شہادت دے موقع تے انہاں کوں سلام پیش کریندی اے۔ سپیکر قومی اسمبلی اللہ تعالیٰ توں میجر شبیر شریف شہید دے درجات دی بلندی دی دعا کیتی۔
