اسلام آباد۔31جنوری(اے پی پی)نگران وفاقی وزیر مذہبی امور انیق احمد آکھیے جو قرآن کوں سمڄھݨ کیتے سیرت نبوی ﷺ دا ڄاݨݨ ضروری اے، تلاش حق، اعلان حق اتے نفاذ حق سیرت دے بنیادی اصول ہین۔ اے ڳالھ انہاں وفاقی اردو یونیورسٹی اچ سیرت چیئر دی افتتاحی تقریب نال خطاب اچ آکھی۔ تقریب اچ وائس چانسلر ڈاکٹر روبینہ مشتاق، ڈاکٹر مستفیض احمد علوی، ڈاکٹر احتشام الحق اتے ڈاکٹر حافظ عبدالرشید خطاب کیتے۔ وزیر مذہبی امور انیق احمد آکھیے جو امتی ہووݨ پاروں سیرت نبوی ﷺ توں واقفیت لازمی اے، عظمت رسول ﷺ قیامت تئیں بیان ہوندی راہسی، قرآن کریم اتے سیرت طیبہ قیامت تئیں ذہن انسانیت دی امامت کریندے رہسن، ساڈا دین مکمل اے جیندے اچ سارے مسلیاں دا حل موجود اے، طلبہ کوں الحاد، مصنوعی ذہانت اتے عہد حاضر دے ٻئے چیلنجز نال آگاہی ݙیوݨی ہوسی۔ تقریب دے چھیکڑ تے مقررین کوں یادگاری شیلڈز ݙتیاں ڳن۔
