اسلام آباد۔1فروری(اے پی پی) وزیراعظم شہباز شریف میانوالی دے تھاݨہ مکڑوال تے دہشت گرداں دا حملہ ناکام بݨاوݨ تے پنجاب پولیس کوں شاباش ݙیندے ہوئیں غیرمعمولی بہادری دا مظاہرہ کرݨ آلے پولیس افسران اتے نینگراں کوں انعام تے تعریفی سنداں ݙیوݨ دا اعلان کیتے ۔ وزیر اعظم آفس دے میڈیا سیل توں جاری بیان موجب وزیر اعظم آکھیے دہشت گرداں کوں مار بھڄاوݨ آلے پنجاب پولیس دے افسران اتے جواناں کوں خراج تحسین پیش کرینداں ، پولیس دہشت گردی اتے جرائم مکاوݨ اچ ساݙا قابل فخر ہراول دستہ اے۔دہشت گرداں دے خلاف پوری قوم اتے ادارے متحد اتے یک آواز ہن۔وزیر اعظم آکھیے انسداد دہشت گردی اچ پنجاب پولیس اتے سی ٹی ڈی دے کردار اتے جذبے تےپوری قوم کوں فخر اے۔پولیس اتے سی ٹی ڈی کوں مزید مظبوط اتے جدید ہتھیاراں نال لیس کریسوں ۔پوری قوم دہشت گردی مکاوݨ کیتے آپݨی بہادر فورسز دے نال ہن۔
