وفاقی وزیر اطلاعات مریم اورنگزیب دی اینکر پرسن شفا یوسفزئی نال ٹیلیفون تے ڳالھ مہاڑ ، مسلح لوکاں دے گھر اچ گھسݨ تے گھریلو ملازمین تے تشدد دی مذمت

image

اسلام آباد۔21دسمبر(اے پی پی) وفاقی وزیر اطلاعات و نشریات مریم اورنگزیب مسلح لوکاں دی طرفوں اینکر پرسن شفا یوسفزئی دے گھر اچ گھسݨ تے گھریلو ملازمین تے تشدد دی شدید مذمت کیتی اے ۔ ٻدھ کوں اینکر پرسن شفا یوسفزئی نال ٹیلیفون تے ڳالھ مہاڑ کریندے ہوئیں وفاقی وزیر اطلاعات آکھیے جو پولیس واقعہ دی تحقیقات کریندی پئی اے ، پولیس کوں ملزمان دی وختی گرفتاری دی ہدایات کیتیاں ڳن ۔ انہاں شفا یوسفزئی اتے انہاں دے گھر آلیں نال یکجہتی دا اظہار کیتے۔ شفا یوسفزئی وفاقی وزیر اطلاعات کوں ݙسایا جو واقعہ ویلھے او گھر کائناں ہن ، ملزمان ملازمین تے تشدد کیتے تے انہاں کوں تڑیاں ݙے تے ٹر ڳئن ۔ شفا یوسفزئی ݙسائے جو ملزمان گھر دے اندر داخل نی تھی سڳیے تے بھڄ ڳن ۔ وفاقی وزیر اطلاعات آکھیے ایں طرح دے واقعات کوں مکایا ویسی۔

مضمون کا ماخذ : کینڈی کیش