لاہور۔13جون(اے پی پی)پنجاب کابینہ مالی سال 2022-23 دے بجٹ دی منظوری ݙے ݙی اے۔ پنجاب کابینہ دا اجلاس وزیراعلیٰ پنجاب حمزہ شہباز شریف دی زیرصدارت تھئے جیندے اچ ضمنی بجٹ مالی سال 2021۔22 دی منظوری ݙتی ڳئی، مالی سال دے مالیاتی بل اتے مالی سال2021۔22 دے نظرثانی شدہ تخمینیاں دی وی منظوری ݙتی۔ اجلاس اچ سالانہ ترقیاتی پروگرام 2022-23، سرکاری ملازمین دی تنخواہ اتے پنشن ودھاوݨ دی منظوری ݙتی ڄݙاں جو 15 فیصد سپیشل الاونس دی ادائیگی سودھا کینسر دے مریضاں کوں مفت ادویات ݙیوݨ کیتے ایم او یو دی منظوری وی ݙتی۔ وزیراعلی حمزہ شہباز آکھیا جو صوبائی وزراء، چئیرمین پی اینڈ ڈی، سیکرٹری خزانہ اتے ٻئے حکام محنت نال بہترین بجٹ دستاویز ٻݨائن، بجٹ اچ عوام کوں ودھ سوکھ ݙیوݨ دے اقدامات دی سفارش کیتی اے، اے بجٹ سیاسی و انتظامی ٹیم دی مشاورت نال ٻݨائے۔
