اسلام آباد۔7دسمبر(اے پی پی)صدر مملکت ڈاکٹر عارف علوی آک??یے جو فیڈرل پبلک سروس کمیشن ملک دا اعلیٰ ترین امتحانی ادارہ اے، ایکوں ہر لحاظ نال بہترین ہووݨا چاہیدے، کمیشن دے ممبران دی مہارت، امتحان، انٹرویو اتے سرکاری عہدیاں تے بھرتی کیتے مناسب امیدواراں کوں چݨݨ دا طریقہ کار عالمی معیار دے مطابق ہووݨا چاہیدے۔ اے ڳالھ انہاں فیڈرل پبلک سروس کمیشن (ایف پی ایس سی) دے چیئرمین کیپٹن (ر) زاہد سعید نال ملݨ ویلھے آکھی۔ چیئیرمین صدر مملکت کوں ایف پی ایس سی دی سالانہ رپورٹ 2021 پیش کیتی۔ سیکرٹری ایف پی ایس سی سید حسنین مہدی اتے اسٹیبلشمنٹ ڈویژن، صدر سیکرٹریٹ دے س??نئ?? حکام وی موجود ہن۔ صدر مملکت سرکاری عہدیاں تے بھرتی کیتے امتحان دے طریقہ کار کون ویلھے سر اپ ڈیٹ کرݨ تے زور ݙیندے آک??یے جو انٹرویوز کیتے معیاری طریقہ کار اپنایا ونڄے، ایف پی ایس سی کوں بہترین شہرت اتے متعلقہ تجربے آلا کنسلٹنٹ رکھݨا چاہیدے، شفاف بھرتی کیتے جدید ترین انفارمیشن اینڈ کمیونیکیشن ٹیکنالوجی ٹولز نال موثر ٻݨایا ونڄے۔
.jpg)
