اسلام آباد۔26ستمبر (اے پی پی) نگران حکومت نشابر کیتے جو اسلامی جمہوریہ پاکستان دے آئین اتے مروجہ انتخابی قوانین دے تحت ساری سیاسی جماعتاں کوں عام انتخابات اچ حصہ ڳھنݨ دا حق اے۔ نگران وزیراعظم دے ایسوسی ایٹڈ پریس کوں ݙتے ڳئے انٹرویو اچ ریمارکس کوں غلط رپورٹ کیتا ڳئے۔ وزارت اطلاعات ایسوی ایٹڈ پریس کوں ݙتے ڳئے انٹرویو دے اصل متن دا حوالہ ݙتا جئیں نال ظاہر تھیندے جو نگران وزیراعظم واضح طور اے تجویز ݙیندے پئے ہن جو انتخابات اچ حصہ ڳھنݨ ہک حق اے پر جرائم تے سزا قانونی طور جائز اے۔ وزارت اطلاعات افسوس کیتے جو انٹرویو دے ہک حصہ کوں تروڑ مروڑ تے اے تاثر ݙتا ڳئے جو کہیں مخصوص بندے کوں عام انتخابات اچ حصہ نہ ڳھنݨ دی موکل کائنا ݙتی ویسی۔ وزارت اطلاعات وزیراعظم دے انٹرویو دے متن آلے پاسے توجہ ݙوائی جئیں اچ نگران وزیراعظم انوار الحق کاکڑ آکھیا جو اساں کہیں توں ذاتی انتقام نی ڳھندے پئے پر ایں ڳالھ کوں یقینی ٻݨیسوں جو قانون ساریاں توں اہم اے۔ چاہے عمران خان ہووے یا کوئی ٻیا سیاستدان، کوئی وی ملکی قوانین دی خلاف ورزی کریسی تاں قانون اوں تے لاگو ہوسی۔ پی ٹی آئی سودھی ساری جماعتاں انتخابات اچ حصہ ڳھنݨ کیتے آزاد ہن۔
