اسلام آباد ۔ 4 اکتوبر (اے پی پی) وزیراعظم محمد نواز شریف آکھیا جو قوم اساں توں معاشرے کوں انہاں برائیاں توں یکا سانگے نجات ڈواونڑ دی توقع رکھیندی اے اتے اساں ہر حالت اچ انہاں دی توقعات تے پورا لہسوں۔انہاں اے گالھ منگل کوں اتھاں وزیر اعظم ہائوس اچ نیشنل ایکشن پلان بارے اجلاس دی صدارت کریندیں ہوئیں آکھی۔اجلاس اچ انتہا پسندی تے دہشت گردی توں نجاوت ڈواونڑ سانگے ہنڑ تئیں ملنڑ آلے فائدے کوں تقویت ڈیونڑ سانگے قومی اتے صوبائی سطح تے خصوصی کاوشاں اتے کجھ ایریاز ،جتھاں پیش رفت غیر تسلی بخش رہی اے، اچ اگوں ودھنڑ تے اتفاق،سکیورٹی فورسز،قانون نافذ کرنڑ آلے ادارے اتے سول آرمڈ فورسز دی قربانیاں دا اعتراف کیتا گئیا۔قومی سلامتی مشیر اتے نیشنل ایکشن پلان دی عملدرامد کمیٹی دے کنوینئر لیفٹیننٹ جنرل (ر) ناصر خان جنجوعہ پلان تے عملدرآمد دی صورتحال اتے درپیش چیلنجاں بارے ڈسایا۔وزیر اعظم ہائوس ولوں جاری بیان دے مطابق قومی مشیر ایں امر تے زور ڈتا جو نیشنل ایکشن پلان تے عملدرآمد سانگے صوبائی تے حکومتی کردار اہم اے اتے اساں ساریاں سانگے مشینری جذبے نال رل تے کم کرنڑ ضروری اے۔اجلاس اچ نیشنل ایکشن پلان دے مختلف اجزاء سانگے اہداف اتے نظام الاوقات بارے آندے لائحہ عمل تے اتفاق پاتا گئیا۔شرکاء وفاقی اتے صوبائی انٹیلی جنس اداریاں دے کم دی وی تعریف کیتی جئیں نال سکیورٹی فورسز اتے قانون نافذ کرنڑ آلے اداریاں کوں دہشت گردی دی کئی کوششاں کوں ناکام بنڑاونڑ اچ مدد ملی اتے انہاں کوں قانون دے دائرے کار اچ کم کرنڑ سانگے سازگار ماحول ڈیونڑ دا عزم کیتا گئیا۔وزیر اعظم دے سیکرٹری فوجداری نظام انصاف اچ اصلاحات دے کجھ پہلواں تے پریزینٹیشن ڈتی۔ایں موقع تے وزیر اعظم محمد نوا زشریف آکھیا جو نیشنل ایکشن پلان سارے فریقین وچال وسیع البنیاد اتفاق رائے دا نتیجہ اے۔انہاں آکھیا جو قومی پالیسی دے تقاضے دے تحت اساں دہشت گردی دے خلاف جنگ لڑدے پیسے اتے پر تشدد انتہا پسندی دے خلاف نبڑدے پئیوں۔اجلاس اچ گورنر خیبر پختونخوا اقبال ظفر جھگڑا، وزیراعلیٰ پنجاب محمد شہباز شریف، وزیراعلیٰ سندھ سید مراد علی شاہ، وزیراعلیٰ خیبر پختونخوا پرویز خٹک، وزیراعلیٰ بلوچستان میر ثناء اللہ خان زہری، وزیراعلیٰ گلگت بلتستان حافظ حفیظ الرحمان، وزیر خزانہ محمد اسحاق ڈار، وزیر داخلہ چوہدری نثار علی خان، وزیر اطلاعات سینیٹر پرویزرشید، چیف آف آرمی سٹاف جنرل راحیل شریف، وزیراعظم دے معاون خصوصی طارق فاطمی، قومی سلامتی مشیر لیفٹیننٹ جنرل (ر) ناصر خان جنجوعہ، ڈی جی آئی ایس آئی لیفٹیننٹ جنرل رضوان اختر، خارجہ سیکرٹری اعزاز احمد چوہدری، ڈی جی آئی بی آفتاب سلطان، وزیراعظم دے سیکرٹری فواد حسن فواد، ڈی جی ایم او میجر جنرل ساحر شمشاد مرزا، ڈی جی ایم آئی میجر جنرل ندیم ذکی منچ شریک تھیے۔
