اسلام آباد۔5اگست (اے پی پی) وزیر خارجہ بلاول بھٹو زرداری آکھیا جو بھارت 5 اگست 2019 توں بھارت دے غیر قانونی قبضے اچ جموں تے کشمیر (آئی آئی او جے کے) اچ ظلم تے جبر دا ہک نواں دور شروع، میڈیا کوں دباوݨ اتے کشمیری عوام دی حقیقی قیادت کوں چپ کرݨ دی کوششاں کیتی ویندی پئی اے۔ وزیر خارجہ بلاول بھٹو زرداری’’ یوم استحصال کشمیر ‘‘ تے آپݨے سنیھے اچ آکھیا جو 5 اگست 2019 کوں بھارت دے غیر قانونی قبضے اچ جموں تے کشمیراچ بھارتی حکومت دے غیر قانونی اتے ہک پاسہ اقدامات کوں یاد کرݨ دا ہک سنجیدہ موقع اے۔ ترجمان دفتر خارجہ ولوں چھݨ چھݨ کوں جاری آپݨے بیان اچ انہاں آکھیا جو بھارت ایں ݙینھ آئی آئی او جے کے ، دی خصوصی حیثیت کوں ختم کیتا اتے اونکوں ݙو حصیاں اچ ونڈ ݙتا۔ بھارت خطے دی بین الاقوامی سطح تے منی ہوئی حیثیت کوں بدلݨ اتے کشمیری عوام دے حق خودارادیت کوں مجروع کریندیں ہوئیں نام نہاد ’’یونین ٹیریٹریز‘‘ ٻݨا ݙتی۔ بھارت دے اقدامات نال آبادیاتی تبدیلی اتے سیاسی انجینئرنگ دا عمل شروع کیتا ڳیا۔ جئیں پاروں کشمیری عوام کوں آپݨی سرزمین تے ہک بے اختیار اقلیت بݨݨ دے خطرے دا سامݨا اے۔ بلاول بھٹو زرداری آکھیا جو کشمیری عوام دے ناقابل تنسیخ حق خودارادیت ڳھنݨ تئیں اساݙی بھرپور اتے ثابت قدم اخلاقی، سیاسی اتے سفارتی حمایت جاری رہسی۔
