اسلام آباد۔5جولائی (اے پی پی):وزیر داخلہ شیخ رشید احمد آکھیے جو ازبکستان عظیم اسلامی ورثے دا امین ملک اے،پاکستان اتے ازبکستان وچال قدیم مذہبی اتے ثفافتی تعلقات قائم ہں، اے ڳال انہاں ازبکستان دے سفیر اویبک عارف عثمانوف نال ڳال مہاڑ کریندے ہوئیں آکھی اے ، جنہاں سنوار کوں اتھاں انہاں نال ملاقات کیتی ۔ ملاقات اچ پاکستان اتے ازبکستان ݙو طرفہ تعلقات دے ودھارے سودھے سانجھی دلچسپی دے امور تے ڳال مہاڑ تھئی ۔ملاقات اچ پاکستان اتے ازبکستان وچال ویزا معاہدیں تے پیشرفت دا جائزہ ڳھدا ڳئے تے ݙوہیں ملکاں وچال تجارت اتے سیاحت کوں ودھاوݨ تے ڳال کیتی ڳئی ۔ ایں موقع تے ݙوہیں ملکاں وچال قانون نافذ کرݨ آلے اداریں وچال رابطے ودھاوݨ تے اتفاق کیتا ۔ ملاقات اچ وزیر داخلہ آکھیے جو پاکستان اتے ازبکستان وچال قدیم مذہبی اتے ثفافتی تعلقات قائم ہن۔ ازبکستان عظیم اسلامی ورثے دا امین ملک اے۔ انہاں آکھیے جو اسلامی رشتے نال جڑیے ݙوہیں ملکاں وچال رابطے کوں مزید ودھاوݨ دی لوڑھ اے ۔
