اسلام آباد۔11نومبر (اے پی پی) وفاقی وزیرداخلہ محسن نقوی سالانہ تبلیغی اجتماع تے رائیونڈ دا دورہ کیتا اتے تبلیغی جماعت دے اکابرین فاروق، ڈاکٹر ندیم اشرف، انوار غنی ،امتیاز غنی، عباد اللہ اتے ٻئے نال ملاقات کیتی۔ وزیرداخلہ ٻاہرلے ملکوں آئے شرکا نال ملاقات کیتی اتے دین اسلام کیتے انہاں دی خدمات دی تعریف کیتی۔ وزیر داخلہ محسن نقوی تبلیغی اجتماع کیتے شاندار انتظامات تے فاروق بھائی اتے ٻئے اکابرین کوں مبارخ ݙتی۔ انہاں آکھیا جو تبلیغی کٹھ دےلکاں شرکا کیتے مثالی انتظامات تے کوششاں تعریف دے قابل ہن۔ وفاقی وزیر داخلہ آکھیا جو میں ہر سال تبلیغٰی کٹھ اچ امداں، اتھ آتے روحانی سکون ملدے۔ فاروق بھائی اتے ٻئے اکابرین اجتماع آوݨ تے وفاقی وزیر داخلہ محسن نقوی دا شکریہ ادا کیتا۔