راولپنڈی۔6اپریل(اے پی پی)آرمی چیف جنرل سید عاصم منیر آکھیے جو پاک فوج ملکی سلامتی دے ہر خطے نال نمٹݨ کیتے ہر ویلھے تیار اے، اے ڳالھ انہاں کنٹرول لائن تے اگلے مورچیاں دے دورے ویلھے آکھی۔ او اگلے مورچیاں تے افسران اتے جواناں نال وی ملین۔ کور کمانڈر راولپنڈی کنٹرول لائن تے آرمی چیف دا استقبال کیتے اتے آرمی چیف کوں کنٹرول لائن دی صورتحال اتےفارمیشن دیاں آپریشنل تیاریاں بارے ݙسایا۔ آرمی چیف جنرل سید عاصم منیر ہدایت کیتی جو مقامی آبادی نال پورا تعاون کیتا ونڄے اتے پورے جذبے اتے عزم نال فرائض دی ادائیگی یقینی ٻݨائی ونڄے۔ آرمی چیف افسران و جواناں دے بلند حوصلہ اتے زبردست آپریشنل تیاریاں دی تعریف کیتی۔ آئی ایس پی آر دے مطابق آرمی چیف جنرل سید عاصم منیر آکھیے جو پاک فوج مسئلہ کشمیر دے سلامتی کونسل دی قرارداداں دے مطابق حل دی بھرپورحمایت کریندی اے، مادر وطن دی سرحداں، سلامتی اتے دفاع کیتے پاک فوج پُرعزم اے۔
