اسڪردو – 25 آڪٽوبر (اي پي پي) ) وزيراعظم شاهد خاقان عباسي جي صدارت ۾ گلگت بلتستان ڪائونسل جي 11 هين بجيٽ اجلاس ۾ مالي سال 18 -2017ع جي تقريبن 2.4 ارب روپين جي بجيٽ جي منظوري ڏني وئي. وزيراعظم شاهد خاقان عباسي اجلاس کي خطاب ڪندي چيو آهي ته مسلم ليگ (ن) جي حڪومت گلگت بلتستان جي ترقي ۽ عوام جي ڀلائي لاءِ پرعزم آهي، گلگت بلتستان ۾ جمهوري قدرن ۽ جمهوريت جو سٺي انداز ۾ تسلسل خوش آئنده آهي، پاڪ چين اقتصادي لنگهه سان قومي معيشت ۽ خاص طور تي انهن علائقن کي بي پناهه فائدو پهچندو. اجلاس ۾ گلگت بلتستان ڪائونسل جي وائيس چيئرمين ۽ گورنر مير غضنفر علي خان، گلگت بلتستان جي وڏي وزير حافظ حفيظ الرحمان، گلگت بلتستان ڪائونسل جي ميمبرن، ڪشمير ۽ گلگت بلتستان معاملن واري وفاقي وزير چوڌري برجيس طاهر شرڪت ڪئي.
.jpg)
.jpg)
.jpg)
