اسلام آباد۔27اکتوبر(اے پی پی):چیئرمین سینٹ سید یوسف رضا گیلانی آکھیے جو حق خود ارادیت مقبوضہ کشمیر دے عوام دا بنیادی حق اے، عالمی برادری تنازعہ کشمیر اتے فلسطین حل کراوݨ کیتے کردار ادا کرے۔ یوم سیاہ کشمیر تے انہاں آکھیے جو 27 اکتوبر 1947 کوں مقبوضہ کشمیر اچ وڑݨ بھارتی افواج دا غیر قانونی اتے شرمناک اقدام ھا، ڄق اچ اے ݙینھ ہمیشہ سیاہ ترین ݙینھ دے طور تے یاد رکھیا ویسی جو ایں ݙینھ مقبوضہ کشمیر اچ بھارت دے غاصبانہ قبضے اتے کشمیری عوام تے مظالم دی داستان بے نقاب تھئی، پچھلے 77 سالاں اچ مقبوضہ جموں و کشمیر دے عوام حق خود ارادیت کیتے وݙیاں قربانیاں ݙتن، بھارت دی کشمیری عوام دے حق خود ارادیت کوں ظلم و بربریت نال دباوݨ دی ہر کوشش ناکام رہی اے، پاکستانی قوم کشمیری عوام دے حق خود ارادیت دی تحریک دی حمایت کریندے انہاں نال مکمل یکجہتی کریندی اے، پاکستان کشمیریاں دی ہر قسم دی حمایت کریندا رہسی ڄے تئیں انہاں کوں انہاں دا حق نئیں ملدا۔
