آستانہ۔3جولائی(اے پی پی)وزیراعظم محمد شہباز شریف پاکستان، ترکیہ اتے آذربائیجان وچال معیشت و سرمایہ کاری دے شعبیاں اچ سہ فریقی تعاون ودھاوم کیتے حکمت عملی ٻݨآوݨ تے زور ݙیندے آکھیے جو پاکستان انہاں ملکاں نال معیشت، توانائی، سیاحت، موسمیات، ثقافت، تعلیم اتے انفارمیشن ٹیکنالوجی دے شعبیاں اچ سہ فریقی تعاون ودھاوݨ تے یقین رکھدے۔ پاکستان، ترکیہ اتے آذر بائیجان وچال سہ فریقی ڳالھ مہار دا دور تھئے جیندے اچ وزیراعظم محمد شہباز شریف، ترکیہ دے صدر رجب طیب اردوان اتے آذربائیجان دے صدر الہام علی یوف شرکت کیتی۔
اجلاس اچ ڄڳ دے 3 اہم خطیاں دے ملکاں وچال باہمی دلچسپی دے مختلف امور تے الائے۔ اجلاس اچ علاقائی اتے عالمی امن و خوشحالی تے الایا اتے پائیدار معاشی ترقی ودھاوݨ کیتے علاقائی تعاون دے مواقع تے غور کیتے۔ وزیراعظم شہباز شریف آکھیا جو پاکستان ترکیہ اتے آذربائیجان نال تعلقات کوں اہم ڳݨدے، تریے ملکاں وچال مختلف شعبیاں اچ سہ فریقی ڳانݙھا ودھاوݨ لو منصوبہ بندی اپناوݨی ہوسی۔ پاکستان ترکیہ اتے آذر بائیجان نال معیشت، توانائی، سیاحت، موسمیات، ثقافت، تعلیم و انفارمیشن ٹیکنالوجی اچ تعلقات ودھاوݨ چاہندے۔ ایں توں پہلے تریے ملکاں دے وزرائے خارجہ سہ فریقی ڳالھ مہاڑ دا دور شروع تھی چکیے۔
