اسلام آباد۔11جولائی (اے پی پی) وفاقی وزیر اطلاعات تے نشریات مریم اورنگزیب آکھیا جو وزیراعظم شہباز شریف اڄ فاٹا یونیورسٹی دے فیز ون دا افتتاح کریسن۔ منگل کوں اپݨے ٹویٹ اچ انہاں آکھیا جو فاٹا یونیورسٹی ضم تھیے ضلعیاں دی پہلی یونیورسٹی اے جیڑھی جو فاٹا دے باصلاحیت نینگراں کوں بین الاقوامی معیار دے عین مطابق اعلیٰ تعلیم ݙیسی۔ انہاں آکھیا جو 1.5 ارب روپے دی لاگت نال ٻݨݨ آلی ایں یونیورسٹی دی بنیاد مسلم لیگ ن دی گزریل حکومت اچ رکھی ڳی ہئی۔ انہاں آکھیا جو وزیرِاعظم پشاور اچ وزیرِاعظم یوتھ پروگرام دے تحت خیبر پختونخوا دے باصلاحیت نینگراں اچ لیپ ٹاپس وی تقسیم کریسن۔
