اسلام آباد۔23مارچ (اے پی پی) وزیر اعظم محمد شہباز شریف آکھیا جو 23 مارچ اساݙی قومی تاریخ دا عہد ساز ݙینھ اے جیڑھا اساکوں اپݨےماضی دی یاد ݙویندے۔ اساکوں اپݨے اڄوکے ھالات تے غور کرݨ دی دعوت ݙیندے اتے ہک خوشحال مستقبل دی تعمیر دی تحریک ݙیندے، پاکستان سیاسی اتے آئینی جدوجہد دے نتیجے اچ معرض وجود اے اتے ایندا مستقبل آئین تے اوندی روح دے مطابق وملر کرݨ اچ مضمر اے۔ وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف یوم پاکستان تے اپݨے سنیھے اچ آکھیا جو 23 مارچ اساݙی قومی تاریخ دا عہد ساز ݙینھ اے جیڑھا اساکوں اپݨےماضی دی یاد ݙویندے۔انہاں آکھیا جو اے ݙینھ عہد دی تجدید دا ݙینھ وی اے، اے ݙینھ اساکوں 1940 اچ واپس ڳھن ویندے جݙاں برصغیر دے مسلماناں ہک اںج وطن کیتے قرارداد منظور کیتی ہئی جئیں کوں او قائداعظم محمد علی جناح دی متحرک قیادت اچ اپݨا وطن آکھ سڳن۔ انہاں آکھیا جو علامہ محمد اقبال دا آزادی دا خواب مسلماناں دے مطالبات اتے انڄ وطن دی امنگاں دی نمائندگی کرݨ آلی قرارداد دی صورت نشابر تھیے۔ وزیراعظم دی قیادت اچ برصغیر دے مسلماناں دی ست سالیں دی تاریخ ساز جدوجہد اقبال دے خواب کوں حقیقت اچ بدلیے۔ انہاں آکھیا جو پاکستان دا قیام یقیناً 20ویں صدی دا ہک معجزہ اے۔ وزیراعظم آکھیا جو میکوں ایندے اچ کوئی شق کائنی جو پاکستان دا مقدر وݙی کامیابیاں اتے بلندیاں حاصل کرݨ اے، اینکوں حقیقت ٻݨاوݨ کیتے اساکوں اپݨی صفاں اچ اتحاد پیدا کرݨا پوسی۔
