اسلام آباد – پهرين جنوري (اي پي پي) اطلاعات ۽ نشريات واري مملڪتي وزير فرخ حبيب چيو آهي ته هلندڙ مالي سال جي ٻي ٽه ماهي ۾ ايف بي آر پاران 32 سيڪڙو اضافي سان گڏ 2920 ارب رپين جون رڪارڊ ٽيڪس اوڳاڙيون بهترين معاشي سرگرمين جي عڪاسي ڪري رهيون آهن. پنهنجي ٽوئيٽ ۾ مملڪتي وزير فرخ حبيب چيو ته اهي 2633 ارب رپين جي ٽيڪس هدف کان به 287 ارب رپيا وڌيڪ آهن، گذريل سال انهي مدي ۾ 2204 ارب رپين جو ٽيڪس گڏ ٿيو هو، رڳو ڊسمبر جي مهيني ۾ 600 ارب رپين جو ٽيڪس گڏ ڪيو ويو.
