ملک گیر اتفاق رائے نال جامع و ہمہ جہت بجلی، گیس و پاݨی بچاوݨ دی حکمت عملی ٻݨاوݨی ہوسی، صدر مملکت ڈاکٹر عارف علوی

2025-03-07 17:35:30

APP34-291222 ISLAMABAD: December 29 - President Dr. Arif Alvi chairing a meeting on energy conservation, at Aiwan-e-Sadr. APP/ABB

اسلام آباد۔29دسمبر(اے پی پی):صدر مملکت ڈاکٹر عارف علوی ملک گیر اتفاق رائے نال جامع و ہمہ جہت بجلی، گیس و پاݨی بچاوݨ دی حکمت عملی ٻݨاوݨ تے زور ݙیندے آکھیے جو قومی اہمیت دے اقدامات تے عملدرآمد تیکھا کرتے ہی ملک تیزی نال ترقی کر سڳدے، توانائی بچاوݨ کیتے شام کوں بازار اتے کاروبار ویلھے تے بند کرݨ دے طریقہ کار سانڳے سارے اسٹیک ہولڈرز جیویں تاجراں اتے چیمبرز آف کامرس نال اتفاق رائے پیدا کرݨا چاہیدے۔ اے ڳالھ انہاں ایوانِ صدر اچ توانائی دی بچت سانڳے اجلاس اچ آکھی۔ اجلاس اچ وفاقی وزیر خزانہ سینیٹر محمد اسحاق ڈار، وزیر دفاع خواجہ محمد آصف، وزیر اقتصادی امور سردار ایاز صادق، وزیر صنعت و پیداوار سید مرتضیٰ محمود، وفاقی وزیر برائے توانائی انجینئر خرم دستگیر خان اتے وزیر مملکت برائے پیٹرولیم مصدق مسعود ملک شرکت کیتی۔ صدر مملکت ملک گیر اتفاق رائے نال جامع و ہمہ جہت بجلی، گیس و پاݨی بچاوݨ دی حکمت عملی ٻݨاوݨ سودھا قومی اہمیت دے اقدامات تے عملدرآمد تیکھا کرݨ دی ہدایت کیتی جو ملک تیزی نال اڳو تے ودھے۔

مضمون کا ماخذ : خلائی جنگیں

متعلقہ مضامین