اسلام آباد۔4جنوری(اے پی پی)وزیر دفاع خواجہ محمد آصف آکھیے جو حکومت ملک دے ناقابل تسخیر دفاع سانڳے پاک فضائیہ کوں وݙی جدت ݙیسی، ایں سانڳے سارے وسائل لائے ویسن۔ اسلام آباد اچ پاک فضائیہ دے سربراہ ائیر چیف مارشل ظہیر احمد بابر سدھو نال ملݨ ویلھے انہاں پاک فضائیہ دے آپریشنل صلاحیتاں اتے مادر وطن دے دفاع کیتے کردار دی تعریف کیتی۔ ترجمان پاک بحریہ ݙسائے جو وزیر دفاع خواجہ محمد آصف ائیر ہیڈ کوارٹرز اسلام آباد دا دورہ کیتے سربراہ پاک فضائیہ ائیر چیف مارشل ظہیر احمد بابر سدھو نال ملین۔ انہاں ملک دے جیو سٹریٹیجک ماحول اتے علاقائی سلامتی دی صورت حال سودھا مختلف معاملیان تے الایا۔
.jpg)