اسلام آباد۔4ستمبر(اے پی پی) وفاقی وزیر قانون، انصاف و پارلیمانی امور سینیٹر اعظم نذیر تارڑ آکھیے جو بجلی چوری روکݨ تے بقایا جات دی عدم ادائیگی دے حامل علاقیں دی نشاندہی سانڳے سمارٹ میٹرز دی ٹرانسفارمرز تے منتقلی دے حوالے نال 6 ارب ڈالر دے منصوبے سانڳے ورلڈ بینک قرضہ ݙیوݨ تے رضا مندی ظاہر کرݙتی اے جنھاں علاقیں اچ بجلی چوری دی شرح 20 فیصد توں ودھ اے اتھاں زیادہ لوڈ شیڈنگ کیتی ویندی اے ، ملک اچ بجلی دی پیداوارودھ جݙاں جو ایندی کھپت گھٹ اے ، آئی پی پیز کوں کیپسٹی پیمنٹ دے حوالے نال مسئلے دے حل سانڳے پیشرفت جاری اے ۔ قومی اسمبلی اچ سوالاں دے وقفے اچ شہلا رضا دے سوال دے جواب اچ وزیر پارلیمانی امور سینیٹر اعظم نذیر تارڑ ݙسائے جو وزیر آبی وسائل کیپسٹی ادائیگیاں سانڳے اہم اجلاس سݙیے ، انھاں ݙسائے جو سندھ تے بلوچستان اچ ونڈ انرجی دا پوٹینشل ھک لکھ 32 ہزار میگاواٹ اے، نجی شعبہ دے تعاون نال ونڈ انرجی دے 1845 میگاواٹ استعداد دے حامل 36 منصوبے ہن، ساݙی استعداد دے مقابلے اچ بجلی دی طلب گھٹ اے، ایں شعبہ اچ زیادہ کم نجی شعبہ دے تعاون نال تھیندا پئے ۔ نوابزادہ افتخار دے سوال دے جواب اچ انھاں ݙسائے جو شاہ جمال مظفر گڑھ اچ گرڈ سٹیشن دی دیوار تئیں کم تھی چکیے ، ورلڈ بینک دے قرضے توں اے ݙو سال اچ مکمل تھی ویسی ۔ مہرین رزاق بھٹو دے سوال دے جواب اچ انھاں ݙسئے 200 یونٹ تئیں پروٹیکٹڈ صارفین کوں 14 روپے فی یونٹ چارج کیتا ویندے، کل صارفین اچوں کروڑ 70 لکھ صارفین ماہانہ 200 یونٹ توں گھٹ بجلی استعمال کریندن ۔ ڈالر دی قدر اچ ودھارے توں اے ممکن کائنی جو سارے صارفین کوں پہلے 200 یونٹ تے 14 روپے فی یونٹ دے حساب نال ہی چارج کیتا ونڄے تے صرف ایں تں ودھ استعمال تے فی یونٹ چارجز اچ ودھاراتھیوے ۔ سمارٹ میٹرنگ سانڳے ورلڈ بینک 70 فیصد قرضہ ݙیسی جتھاں زیادہ مسئلے ہن اتھاں سمارٹ میٹرتوں بجلی چوری دی نشاندہی ٹرانسفارمر توں تھی سڳسی ایں ھک میٹر دی قیمت ݙو سو ڈالرہوسی، ایندی فزیبلٹی اتے منصوبہ بندی تے کم جاری اے ۔ عمر ایوب دے سوال دے جواب اچ اعظم نذیر تارڑ آکھیے وزیر بجلی پری شیڈولڈ اجلاس وچ ہن ، سمارٹ میٹرز کوں ٹرانسفارمرز نال رلاوݨ تے کم تھیندا پئے جیں سانڳے پنج سال تے لاڳت 16 ارب ڈالر اے، جے کنڈا سسٹم ویں تے وی مکمل طورتے کنٹرول نہ تھیسی تاں جو بجلی چوری آلے ٹرانسفارمر دی نشاندہی تھی سڳسی ، جنھاں علاقیں اچ بجلی دی چوری زیادہ اے انھاں تے فوکس ہو سی ایں توں انھاں علاقیں دی نشاندہی تھیسی ورلڈ بینک ایں سانڳے قرضہ ݙیوݨ تے راضی اے
.jpg)
