اسلام آباد۔24فروری(اے پی پی)وزیراعظم محمد شہباز شریف آکھیے جو سکیورٹی فورسز ملکی سلامتی کیتے پرعزم ہیں، ملکی مفادات کیتے کہیں صورت اپݨی انا کوں رکاوٹ نئیں ٻݨݨ ݙیوݨا، ملک کیتے آئی ایم ایف دی سخت شرطاں منݨ تے مجبور ہیں۔ اے ڳالھ انہاں نیشنل ایکشن پلان تے عملدرآمد بارے اجلاس نال خطاب اچ آکھی۔ وزیراعظم آکھیا جو دہشتگردی ہک وݙا چیلنج اے، پشاور سانحہ توں بعد ایپکس کمیٹی دا اے ݙوڄھا اجلاس اچ جیندے اچ ساریاں سیاسی جماعتاں آئن ٻھل ہک جماعت اڄ وی پچھو رہی اے، اے چاہندن جو مسلے سڑکاں تے حل تھیون، ساݙی انا ملکی مفاد تے کہیں صورت اثر انداز نئیں تھیوݨی چاہیدی جو ملک ترقی کرے تے اڳو تے ودھے۔ ملک معاشی مسلیاں وات اے ٻھل امید اے جو آئی ایم ایف نال تیکھے معاملات طے تھی ویسن، سیاسی اتحادیاں صرف ریاست بچاوݨ کیتے آئی ایم ایف دیاں سخت شرطاں منݨ دا کوڑا ڳھٹ ٻھریے، اساں پر خلوص ہیں جو ریاست پاکستان سب توں پہلے اتے باق ہر شے بعد اچ آندی اے، امید اے آئی ایم ایف نال معاہدے توں بعد دوست ممالک وی ہتھ ونݙیسن، جیکر اساں اپݨے گھر دے حالات آپ تھیک نا کریسوں تاں کوئی ٻیا ہتھ ونݙاوݨ نا آسی تہوں حکومت کفایت شعاری شروع کیتی اے، اجتماعی سوچ نال ہی ملک کوں اوکھی صورتحال توں کݙھیا ونڄ سڳدے۔ انہاں آکھیا جو ملک کوں ترقی دی راہ تے سٹݨ، معاشی ٹائیگر ٻݨاوݨ، غربت و بے روزگاری مکاوݨ کیتے اپݨے سیاسی اختلافات بھلا تے کٹھیاں کوششاں کرݨیاں ہوسن۔
.jpg)
