اسلام آباد ۔ 10 اگست (اے پی پی) وزیر اعظم عمران خان نال اقوام متحدہ دے جنرل اسمبلی دے 75 ویں اجلاس دے نویں منتخب صدر وولکن بوذکر سنوار کوں اتھاں ملاقات کیتی ۔ وزیر اعظم آفس دے میڈیا ونگ توں جاری بیان موجب وزیر اعظم عمران خان وولکن بوذکر کوں اقوام متحدہ دے 75 ویں تاریخی اجلاس داصدر منتخب تھیونڑ تے مبارخ ڈتی ۔ ملاقات اچ وزیر اعظم انہاں کوں بھارتی غیر قانونی مقبوضہ جموں و کشمیر دی سنگین صورتحال بارے ڈسایا تے آکھیا جو اے جھیڑا 7 دہائیاں توں اقوام متحدہ دی سلامتی کونسل دے ایجنڈے تے ہے۔ وزیر اعظم 5 اگست 2019ءتوں بھارتی غیر قانونی مقبوضہ جموں و کشمیر اچ بنیادی اتے انسانی حقوق دی وڈے پیمانے تے منظم انداز نال کیتیاں گیاں خلاف ورزیاں تے مقبوضہ جموں و کشمیر دے عوام دی صورتحال اتے بھارت ولوں علاقے دے ڈیمو گرافک سٹرکچر کوں بدالنڑ دیاں کوششاں بارے ڈسایا ۔ انہاں زور ڈتے جو اقوام متحدہ سنگین صورتحال اتے اقوام متحدہ دی سلامتی کونسل دیاں قرار داداں دے مطابق کشمیری عوام کوں انہاں داحق خوارادیت ڈیواونڑ کیتے کردار ادا کرے ۔ وزیر اعظم انہاں کوں کووڈ۔19 دی وبا دے معاشی و سماجی اثرات نال نبڑنڑ کیتے اپنڑی حکومت ولوں کیتے گئے اقدامات جیں دا مقصد عوام دی زندگی بچاونڑ دے نال انہاں کوں زندگی دیاں ضرورتاں ڈیونڑ تے معیشت دا پیتھا چلاونڑ بارے وی ڈسائے ۔ انہاں ڈسائے جو انہاں دی حکومت معاشرے دے ضرورت مند اتے مستحق طبقات کیتے8 ارب ڈالر داامدادی پیکج ڈتا ۔ اے پاکستان دی تاریخ اچ کہیں حکومت ولوں ڈتا ونجنڑ آلا وڈا پیکیج ہئی ۔ وزیراعظم قرضیں دی معافی دے حوالے نال عالمی سطح تے اقدامات دے سلسلے وچ اپنڑیاں کوششاں بارے انہاں کوں ڈسایا کورونا وائرس دی وبا دے سماجی و معاشی اثرات کوں گھٹ کرنڑ کیتے ترقی پذیر ملکاں کوں ودھ مالیاتی تعاون ڈیونڑ دی ضرورت تے زور ڈتے ۔ وزیرا عظم عمران خان اقوام متحدہ دی جنرل اسمبلی دے نویں منتخب صدر کوں ماحولیاتی تبدیلیاں، اسلامو فوبیا تے ترقی پذیر ملکاں توں دولت دے غیر قانونی منتقلی تے اپنڑی ترجیحات تے انہاں معاملات کوں اہمیت ڈیونڑ کوں اجاگر کیتا ۔ وزیر اعظم ایں توقع دا اظہار کیتا جو اقوام متحدہ دی جنرل اسمبلی دے 75 ویں اجلاس اچ انہاں معاملات کوں اہمیت ڈتی ویسی کیوں جو دنیا دے ارباں انساناں دا مستقبل انہاں نال جڑیا ہویا اے ۔
.jpg)
