نیروبی ۔ 30 جنوری (اے پی پی) وزیر خارجہ شاہ محمود قریشی آکھیا جو کینیا، مشرقی افریقی خطے دا ”گیٹ وے“ اے، پاکستان کینیا سمیت افریقی ملکاں نال اپنڑے سفارتی تعلقات کوں بہوں اہمیت ڈیندے،چین دے بعد کینیاءپاکستان مصنوعات سانگے ساریاں توں وڈی تجارتی منڈی اے۔اے گالھیں انہاں خمیس کوں اتھاں نیروبی اچ کینیا دی اپنڑی ہم منصب ریشلیا اومامو نال ملاقات اچ گالھ مہاڑ کریندیں ہوئیں آکھی۔وزیرخارجہ ریشیلیا اومامو کوں وزارت خارجہ جمہوریہ کینیا دا منصب سنبھالنڑ تے مبارک ڈتی اتے آکھیا جو کینیا مشرقی افریقی خطہ دا گیٹ وے اے۔ملاقات اچ ڈو پاسہ تعلقات،سیاسی تے اقتصادی تعاون کوں ودھاونڑ سمیت آپسی دلچسپی دے معاملیاں تے گالھ مہاڑ کیتی گئی ۔ وزیر خارجہ کینیا دی وزیر خارجہ ایمبیسڈر ریشیلیا اومامو کوں اپنڑی پہلی فرصت اچ پاکستان دا دورہ کرنڑ دی دعوت ڈتی۔
.jpg)
