اسلام آباد ۔ 12 اپریل (اے پی پی) وزیر مملکت انفارمیشن ٹیکنالوجی انوشہ رحمن آکھیا ہے جو وزیراعظم محمد نواز شریف دی قیادت اچ وزارت آئی ٹی انفارمیشن ٹیکنالوجی دے شعبے اچ انقلاب برپا کرڈتا جیں دی پوری دنیا اچ تعریف کیتی ویندی پئی ہے پاکستان کوں گزریل ترائے سالاں توں چارواری عالمی ایوارڈ مل گے ہن ۔انہاں خیالاں دا اظہار انہاں راولپنڈی چیمبر آف کامرس اینڈ انڈسٹری دے اہتمام نال سالانہ انفارمیشن کمیونیکیشن ٹیکنالوجیز ایوارڈ دے حوالے نال تقریب توں مہمان خصوصی دی حیثیت نال خطاب کریندے ہوئیں کیتا ۔اے تقریب آئی سی ٹی دے شعبے اچ چنگی کاکردگی دا مظاہر ہ کرنڑ آلی آئی ٹی کمپنی دی حوصلہ افزائی سانگے منعقد کیتی گی ۔انہاںآکھیا جو وزیراعظم نواز شریف دی قیادت اچ وزارت آئی ٹی انفارمیشن ٹیکنالوجی دے شعبے اچ انقلاب پر با کر ڈتا ہے جیں دی تحسین پوری دنیا اچ کیتی ویندی پئی ہے اتے پاکستان کوں گزریل ترائے سالاں اچ چار واری عالمی ایوارڈ نال نوازیا گیا ہے ۔پہلا ایوارڈ 2014اچ شفاف تھری جی /فور جی نیلامی دے انعقاد تے ملیا تے ولا حال اچ ہی جی ایس ایم اے ایوارڈ کامیاب ٹیلی کام پالیسی 2015اچ متعارف کراونڑ تے ڈتا گیا ۔انہاں آکھیا پاکستان دے دورہ افتادہ اتے پسماندہ علاقیں دے مکیناں کوں جدید آئی سی ٹی سہولتاں دی فراہمی دا بیڑہ چیندی پئی ہے ۔انوشہ رحمان آکھیا جو نینگراں کوں انفارمیشن ٹیکنالوجی دیاں جدید مہارتاں توں بار آور کراونڑ سانگے خصوصی منصوبے شروع کیتے گے ہن ۔وزیر مملکت انفامشین ٹیکنالوجی انوشہ رحمن مختلف آئی ٹی کمپنیاں ولوں لاتے گے سٹال دا وی معائنہ کیتا تے تقریب دے چھیکڑ تے کامیاب قرار پاونڑ آلیاں کمپنیاں اچ ایوارڈ ونڈیے
.jpg)
