اسلام آباد۔13جولائی (اے پی پی) عالمی بینک پنجاب اچ خاندانی منصوبہ بندی دے پروگرام کیتے 10 کروڑ ڈالر امداددی منظوری ݙتے ݙتی اے ۔ ۔پاکستان اچ عالمی بینک دے کنٹری ڈائریکٹرناجی بن حسائن آپݨے ھک بیان اچ آکھیے عالمی بینک دے ایگزیکٹو بورڈ پنجاب اچ خاندانی منصوبہ بندی دی خدمات کوں چنڳاں کرݨ سانڳے 10 کروڑ ڈالر امداد دی منظوری ݙتی اے ۔ انہاں آکھیے ایں پروگرام دا بنیادی مقصد 2030 تئیں پنجاب اچ تولیدی صحت اتےخاندانی منصوبہ بندی دے طریقیں کوں 60 فیصددی سطح تے پڄاوݨا اے ، انہاں آکھیے اے پاکستان کیتے اہم پروگرام اے کیوں جو ملک دی آبادی تکھے ودھدی پئی اے جیں توں ترقی اتےنمودی رفتارڈھلی تھئی اے ۔پروگرام دے تحت خاندانی منصوبہ بندی دی خدمات دی مفت فراہمی کوں یقینی بݨایا ویسی تے بہبودآبادی تے آگاہی مہم وی چلائی ویسی ، پنجاب دے کجھ ضلعیں اچ پہلے توں پائلٹ پراجیکٹ شروع کیتا ڳئے جیں دے مثبت اثرات سامݨے آئن ۔عالمی بینک دی معاونت توں اے پروگرام پنجاب دے سارے ضلعیں اچ صوبائی محکمہ بہبودآبادی اتے محکمہ صحت دے تعاون نال اڳوں ودھایا ویسی ۔
