کابینہ اجلاس؛ وزیراعظم دی انتخابی اصلاحات، ای وی ایم تے اپوزیشن نال مذاکرات دی ہدایت، سمندر پار پاکستانیاں کوں ووٹ دا حق اتے انتخابات اچ شفافیت ترجیح

2025-03-08 17:37:23

APP42-280921 ISLAMABAD: September 28 - Federal Minister for Information and Broadcasting Chaudhary Fawad Hussain brief the media persons about the decisions taken in the Federal Cabinet Meeting at PM Office. APP photo by Irshad Sheikh

اسلام آباد۔28ستمبر(اے پی پی)وفاقی کابینہ دا اجلاس، وزیراعظم دی انتخابی اصلاحات اتے ای وی ایم دے معاملے تے اپوزیشن نال اتفاق رائے سانڳے مذاکرات دی ہدایت، سمندر پار پاکستانیاں کوں ووٹ دا حق ݙیوݨ اصلاحات دا اہم جزو ہوسی، انتخابات اچ شفافیت ترجیح اے۔ اے ڳالھ وفاقی وزیر اطلاعات و نشریات چوہدری فواد حسین میݙیا کوں بریفنگ ڈیندے ݙسائی اے۔ انہاں دا آکھݨ ہا جو وفاقی کابینہ دا اجلاس وزیر اعظم عمران خان دی زیر صدارت تھئے جیندے اچ انتخابی اصلاحات تے پیش رفت، تعمیراتی شعبے دی ترقی خاص کر کثیر المنزلہ عمارتاں ٻݨاوݨ سانڳے رکاوٹاں دور کرݨ سودھا مختلف معاملیاں دا جائزہ ڳھدا ڳئے ڄݙاں جو ای وی ایم اتے آئی ووتنگ تے اجلاس کوں بریفنگ وی ݙتی ڳئی۔۔ وزیر ݙسائے جو وزیر اعظم عمران خان انتخابات اچ شفافیت تے زور ݙیندے انتخابی اصلاحات اتے ای وی ایم دے استعمال سانڳے اپوزیشن نال الاوݨ دی ہدایت کیتی اے، ایں سانڳے وزیراعظم دے مشیر پارلیمانی امور بابر اعوان، رکن قومی اسمبلی علی محمد خان اپوزیشن نال مذاکرات کریسن تاں جو اے معاملہ اڳو تے ودھے۔ انہاں آکھیا جو انتخابی اصلاحات اچ اپوزیشن نال صلاح مشورہ جمہوریت کیتے حوصضہ افزا اے، ایندے اچ ویلھا نئیں ونڄاوݨا چاہیدا۔ انہاں آکھیا جو وزیراعظم عمران خان واضح کیتے جو سمندر پار پاکستانیاں کوں ووٹ دا حق ݙیوݨ اتے شفافیت انتخابی اصلاحات دا اہم جزو ہوسی۔ شہباز شریف کوں برطانوی عدالت ولوں ریلیف ملݨ بارے فواد چوہدری آکھیا جو عدالتی فیصلے تے مس رپورٹنگ اتے جعلی خبر ݙیوݨ ہک وݙا مسلہ اے ایندے تے ساݙا آر آئی یونٹ کیس فائل کریسی، جیکر شہبازشریف دا کیس میرٹ تے روزانہ دی بنیاد تے چلیا تاں انہاں کوں 6 مہینے دے اندرو 25 سال کیتے جیل تھی سڳدی اے، پاکستان عوام شریف ٹبر توں پیسے دی وصولی چاہندن اتے سزا نال لݙو ونݙݨ دا سلسلہ مک ویسی۔ انہاں ݙسائے جو حکومت سڑکان ٻݨاوݨ کیتے قومی خزانے اچ بچت کریندی پئی اے، وݙے شہراں اچ اچیاں عمارتاں ٻݨاوݨ کیتے رکاوٹاں مکاوݨ سانڳے کابینہ کمیٹی ٻݨاوݨ دا فیصلہ کتیا ڳئے۔

مضمون کا ماخذ : نتیجہ میگا سینا

متعلقہ مضامین