اسلام آباد۔21مئی (اے پی پی):وزیراعظم دے نمائندہ خصوصی مذہبی ہم آہنگی و مشرق وسطیٰ اتے پاکستان علماء کونسل دے چیئرمین حافظ محمد طاہر محمود اشرفی آکھیے جو پاکستان، فلسطین اتے اسرائیل دے درمیان جنگ بندی دا خیرمقدم کریندے ، پاکستان اتے امت مسلمہ دی پہلی ترجیح جنگ بندی ہئی جیں اچ کامیابی تھئی اے۔جمعے کوں آپݨے ھک بیان اچ انہاں آکھیے جو وزیراعظم عمران خان دی ہدایات تے وزیر خارجہ شاہ محمود قریشی اسلامی ملکاں دے نال رل تے موثر اتے بھرپور کردار ادا کیتا۔ انشاء اﷲ او ویلھا نیڑے ھے جݙاں مسئلہ کشمیر تے فلسطین حل تھیسن۔
