گڏيل قومون -25 آڪٽوبر (اي پي پي) فلسطين جي پرڏيهي وزير رياض المالڪي چيو آهي، ته گڏيل قومن طرفان غزه تي اسرائيل جي جارحيت ۽ قتل عام روڪائڻ ۾ لاڳيتو ناڪامي معاف نه ڪرڻ جوڳو عمل آهي جنهن جي مذمت ڪيون ٿا. انهن خيالن جو اظهار هن اسرائيل فلسطين ڇڪتاڻ جي حوالي سان گڏيل قومن جي سلامتي ڪائونسل جي خاص اجلاس کي خطاب دوران ڪيو. هن چيو ته غزه ۾ فلسطينين جو قتل عام روڪائڻ ۾ عالمي اداري جي ناڪامي مذمت جوڳي ۽ معاف نه ڪرڻ جوڳو عمل آهي. اسرائيل ڄاڻي واڻي ۽ منظم انداز ۾ فلسطينين جو قتل عام ڪري رهيو آهي جنهن کي روڪڻ اسان جو گڏيل فرض آهي. عالمي برادري اسرائيل طرفان فلسطينين تي جارحيت ۽ ملڪيتن تي قبضن کي روڪڻ لاءِ ڪردار ادا ڪري.
.jpg)
