اقوام متحدہ ۔14مئی (اے پی پی):اقوام متحدہ اچ پاکستان دی طرفوں آزادی رائے اظہار دے تحفظ کیتے غلط اتے گمراہ کن معلومات کوں روکݨ دے مطالبے پیش کیتیاں ڳیاں 2 قرارداداں منظور کر ڳھدن جیڑھی جو سفارتی محاذ تے پاکستان دی ھک ٻئی کامیابی اے۔ پاکستان بطور جی77چیئرمین اقوام متحدہ دے ڈیپارٹمنٹ آف گلوبل کمیونیکیشن دی کمیٹی آن انفارمیشن دے 44ویں اجلاس اچ غلط اتے گمراہ کن معلومات کوں روکݨ دے مطالبے تے مبنی 2قرارداداں پیش کیتیاں جنہاں کوں مںظور کر ڳھدا ڳئے ۔ اے قرارداداں اقوام متحدہ اچ پاکستان مشن دی پریس قونصلر مریم شیخ دی طرفوں پیش کیتیاں ڳئن۔ قرارداداں دے مسودے مالٹا دے ڈیلیگیٹ ڈیرین کیمیلری متعارف کرائے جنہاں کوں اقوام متحدہ دی جنرل اسمبلی دی منظوری کیتے بھیجا ویسی ۔ قرارداداں اچ مطالبہ کیتا ڳئے جو غلط اتے گمراہ کن معلومات روکݨ کیتے حقائق تے مبنی معلومات دے آزادانہ ݙیوݨ، صحافیاں دی کارکردگی کوں موثر اتے آزاد بݨاوݨ، انہاں دے خلاف حملیں دی مذمت اتے ترقی پزیر ملکاں اچ مواصلات دے ڈھانچے اتے صلاحیتاں اچ امداد کوں ودھاوݨ دی لوڑھ تے زور ݙتا ڳئے ۔
