ہیپاٹائٹس عالمی سطح تے وݙا چیلنج اے، ہیپاٹائٹس توں بچݨ اینکوں مکاوݨ سانڳے اجتماعی کوششاں دی لوڑھ اے ،صدر مملکت آصف علی زرداری

2025-03-05 17:46:41

اسلام آباد۔28جولائی(اے پی پی) صدر مملکت آصف علی زرداری آکھیے ہیپاٹائٹس عالمی سطح تے ھک ٻہوں وݙا چیلنج اے ،ہیپاٹائٹس توں ساݙے ملک اچ صحت عامہ کوں ٻہوں خطرہ اے ایندے توں بچݨ ، سکریننگ تے علاج دی اہمیت بارے آگاہی پیدا کرݨی ہوسی ،ہیپاٹائٹس توں بچݨ تے اینکوں مکاوݨ سانڳے اجتماعی کوششاں دی لوڑھ اے ۔ ایوان صدر پریس ونگ توں جاری بیان موجب صدر مملکت آصف علی زرداری ہیپاٹائٹس دے جڳ ݙیھاڑ تے آکھیے ہیپاٹائٹس عالمی سطح تے ھک وݙا چیلنج اے خاموش قاتل اے کیوں جو ایندی علامات ظاہر نہ تھیوݨ پاروں ایندے کھنڈݨ دا خطرہ ودھ ویندے ایں توں عالمی سطح تے ہرسال وݙی تعداد اچ لوکاں دی اموات تھیندن ، پاکستان اچ ہیپاٹائٹس دے مریضاں دی وݙی تعداد پاروں صحت دے نظام تے ٻوجھ پوندے صحت عامہ دے ایں مسئلے نال نبݨݨ سانڳے وݙے پیمانے تے سکریننگ تے وختی تشخیص دی لوڑھ اے ۔وختی اقدامات نہ کرݨ پاروں پاکستان اچ ہیپاٹائٹس دے کیساں دی تعداد ودھ سڳدی اے اساکوں عوام دی صحت دے تحفظ سانڳے فیصلہ کن اقدامات دی لوڑھ اے ، ملک اچ احتیاط ورتݨ ، سکریننگ، ٹیسٹنگ تےعلاج دیاں سہولتاں ودھاوݨ دے اقدامات کرݨے ہوسن ، علاج دی اہمیت بارے آگاہی ݙیوݨی ہوسی اجتماعی کوششاں دی لوڑھ اے ۔صدر مملکت آکھیے میڈیا ، تعلیمی ادارے ، اساتذہ تے سول سوسائٹی کوں ہیپاٹائٹس بارے لوکاں کوں ݙساوݨاں ہوسی آؤ رل تے ہیپاٹائٹس توں پاک پاکستان بݨاوݨ سانڳے کم کروں۔

مضمون کا ماخذ : میگا ملینز

متعلقہ مضامین