اسلام آباد۔19مارچ (اے پی پی) وزیراعظم محمد شہباز شریف جیولن تھرو اتھلیٹ ارشد ندیم کوں بہترین کارکردگی ݙکھاوݨ اتے ملک دا ناں روشن کرݨ تے مبارخ ݙیندیں ہوئیں انہاں دی مستقبل دی کامیابیاں کیتے نیک خواہشات دا اظہار کیتا۔ وزیراعظم محمد شہباز شریف نال جیولن تھرو اتھلیٹ ارشد ندیم منگل کوں ملاقات کیتی۔ ایں موقع تے وفاقی وزیر اطلاعات تے نشریات عطاء اﷲ تارڑ اتے وزیر مملکت برائے انفارمیشن ٹیکنالوجی شیزہ فاطمہ خواجہ وی موجود ہن۔ جیولن تھرو اتھلیٹ ارشد ندیم کوں خصوصی طور وزیراعظم ہاؤس سݙیا ڳئیا۔ وزیراعظم ارشد ندیم دی خیریت پچھی اتے ارشد ندیم کوں پاکستان دا ناں روشن کرݨ تے مبارخ ݙتی۔
