اسلام آباد۔18جنوری (اے پی پی) پاکستان خمیس دی سویل ایران دے صوبے سیستان تے بلوچستان اچ ٻہوں مربوط اتے مخصوص اہداف دے خلاف مہارت نال فوجی کاروائیاں اچ دہشت گرداں دے ٹکاݨے کوں نشانہ ٻݨایا۔ ’’مرگ بر سرمچار ‘‘ دے ناں نال خفیہ اطلاعات تے مبنی آپریشن اچ کئی دہشت گرد ماریے ڳئن۔ دفتر خارجہ ترجمان توں جاری بیان موجب گزریل کجھ سالیں اچ پاکستان ایران نال آپݨے رابطے اچ پاکستانی نژاد دہشت گرداں ، جیڑھے کوں آپ کوں سرمچار آکھدن، دے ایران اندر حکومتی عملداری توں ٻاہر علاقیاں اچ محفوظ ٹکاݨے بارے آپݨی تشویش بارے ݙسیندا رہیے۔ پاکستان انہاں دہشت گرداں دی موجودگی اتے انہاں دی سرگریاں دے ثبوتاں نال کئی ڈوزیئر وی شیئر کیتے۔ سنگین تحفظات تے عمل نہ تھیوݨ پاروں اے نام نہاد سرمچار بے گناہ پاکستانیاں دا خون وہیندے رہین۔ ترجمان دفتر خارجہ موجب اے کاروائی پاکستان دے سارے خطریاں دے خلاف آپݨی قومی سلامتی دے تحفظ اتے دفاع دا عزم اے۔ ٻہوں پیچیدہ آپریشن دا کامیاب وی پاکستان دی مسلح فوج تے پیشہ وارارنہ مہارت دا ثبوت اے۔ پاکستان آپݨی عوام دے تحفظ اتے سلامتی کیتے سارے ضروری اقدامات کریندا رہسی۔ ترجمان آکھیا جو پاکستان، ایران دی خودمختاری اتے علاقائی سالمیت دا احترام کریندے۔ اڄ دا عمل دا ہکو مقصد پاکستان دی آپݨی سلامتی اتے قومی فیدے کیتے ہئی جیڑھا جو اساں ساریاں کیتے مقدم اے جئیں تے سمجھوتہ نی کیتا ونڄ سڳدا۔ ترجمان دفتر خارجہ آکھیا جو بین الاقوامی برادری دے ہک ذمہ وار رکن دے طور، پاکستان رکن ملکاں دی علاقائی سالمیت اتے خودمختاری سودھے اقوام متحدہ دے چارٹر دے اصولاں اتے مقاصد دی پاسداری کریندے۔ ترجمان آکھیا جو ایران برادر ملک اے اتے پاکسانی عوام اتے ایرانی عوام کیتے ٻہوں احترام اتے محبت رکھیندن۔ اساں ہمیشہ دہشت گردی دی لعنت سودھے سانجھے چیلنجز نال نبڑݨ کیتے ڳالھ مہار تے زور ݙتے اتے سانجھے حل ڳولݨ دی کوششاں کریندے رہسوں۔
