اسلام آباد۔16مارچ (اے پی پی) وزیراعظم محمد شہبازشریف آکھیا جو نینگراں کوں بین الاقوامی معیار دی اعلیٰ تعلیم ݙیوݨ حکومت دی پہلی ترجیح اے۔ حکومت انہاں کوں ہکو سویں ترقی دے موقع ݙیندی پی اے۔ خمیس کوں وزیراعظم آفس دے میڈیاونگ توں جاری بیان موجب وزیراعظم محمد شہباز شریف نال بین الاقوامی تعلیم و تدریس، یونیورسٹی آف لندن دی پرو وائس چانسلر پروفیسر میری ستیاسنی ملاقات کیتی۔ ملاقات اچ چیئرمین ہائر ایجوکیشن کمیشن پاکستان پروفیسر ڈاکٹر مختار احمد اتے متعلقہ اعلیٰ حکام وی شریک تھیے۔ ملاقات اچ پروفیسر میری ستیاسنی یونیورسٹی آف لندن دے پاکستان اچ اعلی تعلیم دے ودھارے کیتے کم تے روشنی پاتی۔ وزیرِ اعظم یونیورسٹی آف لندن دے انہاں اقدامات دی تعریف کیتی۔
