اسلام آباد۔7جون (اے پی پی) وزیراعظم شہباز شریف دی عظیم عوامی ہال آمد، چینی ہم منصب لی چیانگ استقبال کیتا۔ وزیراعظم آفس میڈیا ونگ توں جاری بیان موجب وزیراعظم محمد شہبازشریف چین دےوزیراعظم نال آپݨے وفد دا تعارف کرایا۔ وزیراعظم کوں چین دی پیپلز لبریشن آرمی دے دستے گارڈ آف آنر پیش کیتا۔ وزیراعظم چینی وزیراعظم دے رَلے گارڈ آف آنر دا معائنہ کیتا۔ ایں موقع تے ݙوہیں ملکاں دے قومی ترانے وڄائے ڳئے۔
