اسلام آباد۔6جون (اے پی پی) وزیراعظم شہباز شریف جاپان نال تجارت، سرمایہ کاری، ٹیلی کمیونیکیشن، خوراک، انفراسٹرکچر اتے ٻئے شعبیاں اچ ݙو پاسہ تعاون کوں ودھاوݨ کیتے آپݨی حکومت دے پکے عزم دا اعادہ کیتے۔ وزیر اعظم آفس میڈیا ونگ توں بیان دے مطابق وزیر اعظم شہباز شریف سنوار کوں وزیراعظم آفس اچ انڈس موٹر کمپنی لمیٹڈ دے چیف ایگزیکٹو آفیسر علی اصغر جمالی نال ملاقات کیتی۔ پاکستان اچ جاپانی سفیر مٹسوہیروواڈا وی ملاقات اچ موجود ہن۔ 1989 توں پاکستان اچ انڈس موٹر دی سرمایہ کاری دی تعریف کریندیں ہوئیں وزیراعظم لوکلائزیشن، نویں مصنوعات دی حوصلہ افزائی اتے نویں ٹیکنالوجیز جیھے ہائبرڈ اتے الیکٹرانگ وہیکلز کوں جلدی متعارف کراوݨ دی اہمیت تے زور ݙتا۔ حکومت دی کاروبار دوست پالیسیاں کوں اجاگر کریندیں ہوئیں وزیراعظم جاپانی فریق تے زور ݙتا جو او ایجھے موقعیاں توں فائدہ چیندیں ہوئیں سرمایہ کاری ودھاون۔
.jpg)
