اسلام آباد۔27دسمبر(اے پی پی)صدر مملکت ڈاکٹر عارف علوی چوہریں دی تعلیم اتے انیہاں کوں سکول اچ سہولتاں فیوݨ دی لوڑھ تے زور ݙیندے آکھیے جو چھوہریں دی تعلیم کیتے حکومت ودھ اقدامات کریندی پئی اے، علمائے کرام اتے مسیتاں دا معاشرے دے سدھار اچ وݙا کردار اے،تریمتیں کوں تعلیم یافتہ ٻݨاوݨ کیتے علماء مؤثر کردار ادا کریندے پین۔ اے ڳالھ انہاں ایوان صدر اچ چھوہریں دی تعلیم دے ودھارے کیتے قومی مہم دی لانچنگ تقریب نال خطاب کریندے آکھی۔ تقریب اچ خاتون اول بیگم ثمینہ عارف علوی، اسلامی نظریاتی کونسل دے چیئرمین پروفیسر ڈاکٹر قبلہ ایاز، پاکستان الائنس فار گرلز ایجوکیشن (پیج) دی ایگزیکٹو ڈائریکٹر فجر رابعہ پاشا، علماء کرام اتے ماہرین تعلیم شرکت کیتی۔ صدر مملکت آکھیا جو چھوہریں اتے تریمتیں دی تعلیم کیتے علماء کرام معاشرہ اچ مثبت سنیہا ݙے سڳدن۔
.jpg)
