اسلام آباد ۔ 25 اپریل (اے پی پی) امریکا اچ پاکستان دے سفیر اعزاز احمد چوہدری وائٹ ہاﺅس اچ امریکی صدر ڈونلڈ ٹرمپ کوں اپنڑی سنداں تقرری پیش کیتیاں جنہاں کوں وسط فروری اچ امریکا سانگے پاکستان دا سفیر مقرر کیتا گیا ہئی۔ انہاں گزریل مہینے واشنگٹن اچ اپنڑیاں ذمے واریاں سانبھ گھدیاں ۔ سفیر اعزاز احمد چوہدری فارن سروس دے ہک باصلاحیت افسر ہن جیں دی سفارتکاری دے شعبے اچ 36سال توں ودھ دا تجربہ ہے ۔انہاں وزارت خارجہ اچ اقوام متحدہ تے ادارہ برائے تخفیف اسلحہ امور دے ایڈیشنل خارجہ سیکر ٹری ،جنوبی ایشیائی ملکاں دے نال تعلقات بارے ڈائریکٹر جنرل دی حیثیت نال وی کم کیتا ۔او بھارت دے نال امن مذاکراتی عمل اچ نیڑے طور تے وابستہ رہیے ۔
