وزیر داخلہ اتے وزیراعلیٰ کے پی دی ملاقات، دہشتگردی مکاوݨ دا عزم

2025-03-05 17:57:30

اسلام آباد۔28مارچ(اے پی پی)وفاقی وزیرداخلہ محسن نقوی پشاور اچ وزیراعلیٰ ہاؤس پڄین جتھاں انہاں کوں خیبرپختونخوا دے وزیراعلیٰ علی امین گنڈاپور جی بسم اللہ آکھیے۔ انہاں صوبے اچ امن و امان اتے سکیورٹی صورتحال تے الائے اتے دہشتگردی مکاوݨ کیتے کٹھیاں کوششاں کرݨ تے اتفاق کیتے۔ انہاں دہشتگرداں دے خلاف انٹیلی جنس بیسڈ آپریشن ٻیا تیکھا کرݨ دا فیصلہ کیتے۔ وفاقی وزیرداخلہ اتے وزیر اعلیٰ خیبرپختونخوا خود کش حملے اچ چینی شہریاں دی ہلاکت تے افسوس کریندے چینی حکومت، عوام اتے مرݨ آلے چینی شہریاں دے خانداناں نال مکمل یکجہتی کیتی۔ وفاقی وزیر داخلہ محسن نقوی دہشتگردی نال نمٹݨ کیتے موثر کوآرڈینیشن دی ہدایت ݙیندے آکھیے جو خیبرپختونخوا نال پورا ہتھ ونݙایا ویسی اتے بشام حملے دے سہولت کاراں کوں کیفر کردار تئیں پچایا ویسی، چینی شہریاں تے حملے دے عناصر قرار واقعی سزا توں نا بچ سڳسن۔ وزیر اعلیٰ علی امین گنڈا پور آکھیے جو امن و امان صوبائی حکومت دی ترجیح اے جیندے کیتے صوبائی حکومت سارے وسائل لیسی، صوبے دے عوام دے جان و مال کیتے ہر ممکن اقدامات کیتے ویسن۔

مضمون کا ماخذ : پاور بال کے نتائج

متعلقہ مضامین