اسلام آباد۔15مارچ(اے پی پی)وزیراعظم محمد شہباز شریف آکھیے جو زیور تعلیم نال آراستہ قوماں ہی ترقی کریندن، نینگراں کوں معیاری تعلیم دے مواقع ݙیوݨ ترجیح اے۔ اے ڳالھ انہاں اسلام اباد اچ دانش یونیورسٹی آف ایمرجنگ سائنس?? دے سائٹ ریویو دی تقریب نال خطاب اچ آکھی۔
انہاں آکھیا جو دانش یونیورسٹی دنیا دی ممتاز درسگاہواں دے مقابلے اچ اپݨا ناں پیدا کریسی جتھاں بہترین تعلیم، قابل اساتذہ اتے تحقیق نال طلبہ کوں ٻہوں فیدہ ملسی کیوں جو یونیورسٹی قابل و بہترین اساتذہ، ریسرچ اینڈ ڈویلپمنٹ سینٹرز اتے اپلائیڈ سائنسز کیتے ہک بہترین دانش گاہ ثابت تھیسی، اے یونیورسٹی ان شااللہ سٹینفورڈ یونیورسٹی، آکسفورڈ یونیورسٹی، برکلے یونیورسٹی سودھا ایم آئی ٹی اتے دنیا دی ممتاز درسگاہواں دی ہم پلہ یونیورسٹی ہوئی جیڑھی آندے سال 14 اگست 2026 کوں مکمل تھیو یسی اتے ایندا پہلا حصہ آپریشنل کر ݙتا ویسی۔ انہاں آکھیا جو یونیورسٹی دے آپریشنز اتے فنکشنز نال حکومت پاکستان دا کوئی تعلق نہ ہوسی اتے اے ہک فائونڈیشن ہودی جیندی گورننگ باڈی ایکوں چلیسی۔ انہاں آکھیا جو دنش سکولاں آلی کار اے وی ہک شاندار اتے کامیاب تعلیمی پروگرام ثابت تھیسی۔ انہاں اکھیا جو پاکستا?? اچ بہترین و معیاری تعل??م ہر کہیں کوں ݙیوݨ ٻہوں ضروری اے، ایں جذبے نال ہی 190 ملین پائونڈ نال اے دانش یونیورسٹی قائم کیتی ویندی پئی اے۔
انہاں اے رقم قومی خزانے اچ منتقل کرݨ تے چیف جسٹس آف پاکستان جسٹس یحییٰ آفریدی دا شکریہ ادا کیتے۔ انہاں اکھیا جو یونیورسٹی دے بورڈ آف گورنر?? دے ناواں کوں حتمی شکل ݙتی ویندی پئی اے، یونیورسٹی اچ عالمی معیار دیاں سہولتاں ݙتیاں ویسن جتھاں مصنوعی ذہانت، آئی ٹی، اپلائیڈ سائنسز اتے مختلف شعبیاں اچ بین الاقوامی معیار دی تعلیم وتربیت ݙتی ویسی۔ تقریب اچ نائب وزیراعظم و وزیر خارجہ سینیٹر محمد اسحاق ڈار، وفاقی وزیر منصوبہ بندی و ترقی پروفیسر احسن اقبال، وفاقی وزیر اطلاعات و نشریات عطا اللہ تارڑ، وزیر قانون اعظم نذیر تارڑ، وزیر تعلیم وتربیت ڈاکٹر خالد مقبول صدیقی سمیت وفاقی وزرا، شزا فاطمہ خواجہ، ڈاکٹر طارق فضل چوہدری، طلال چوہدری، اراکین پارلیمان، چیئرمین ایچ ای سی سودھا ماہرین تعلیم اتے مخت??ف اہم شخصیات شرکت کیتی۔
.jpg)
