اسلام آباد۔18جون (اے پی پی):وفاقی وزیرمنصوبہ بندی ترقی اتے خصوصی اقدامات پروفیسر احسن اقبال آکھیے جو وزارت منصوبہ بندی صوبہ بلوچستان کیتے تعلیم تے ترقی دے شعبیں اچ منصوبیں تے تکھے عمل درمد کیتے مکمل تعاون کریسی جیڑھے ماضی اچ نظر انداز کیتے ڳئے ہن ۔ وفاقی وزیر اے ڳالھ بلوچستان دے طالب علماں نال ھک ملاقات اچ آکھی اے جنہاں کوں وفاقی وزیر خصوصی طور تے وزارت آوݨ دی دعوت ݙتی ہئی۔ وفاقی وزیر بلوچستان دے مختلف ضلئیں توں آوݨ آلے طالبیں دے مسئلے سݨیے تے انہاں دے وختی ازالے کیتے انہاں کوں پورے تعاون دا یقین ݙیوائے ، ایں موقع تے قائم مقام چیئرپرسن ہائر ایجوکیشن کمیشن (ایچ ای سی) ڈاکٹر شائستہ سہیل وی موجود ہن ۔ وزارت منصوبہ بندی دی طرفوں ہفتے کوں جاری بیان موجب ترائے گھنٹے توں ودھ جاری رہݨ آلے طویل خصوصی ملاقات دے دوران بلوچستان دیاں مختلف یونیورسٹیاں دے طلبا اعلیٰ معیاری تعلیم توں متعلق مسئلیں تے آپݨی ڳالھ کیتی ۔ملاقات دا بنیادی مقصد طالب علماں دے مسئلیں کوں سمݨ تے انہاں کوں حل کرݨ کیتے اقدامات کرݨے ہن ۔
